جتني رسالة ( قصيدة لقصة حقيقية )

[size=25]·!¦[· جتني رسالة ·]¦!·

لكنـ هذه المره .. رسالة من نوع آخر ..!!

فتلك المرأة .. قدد إشتاقت لرجل .. عاش معها الطفوله .. وعاش معها أياماً حلوة ومرة ..

ثم رحل عنها .. ولم يسأل عنها .. ليس لإهمال .. بل لإنشغال ..

وبعد أن كبر كل منهم في السن وطعن في العمر ..

زاد شوقها له ..

فأرسلت له رسالة تستعطفه فيها ..

...
هي عبارات ..

" لا "
بل عبرات تسكب لمن هجر وقهر وقطع
---
على عتبات تذكر الموت تنقطع كل حضوض النفس وكبريائها

" ياخوي "
بيفرحك خبر موتي وانت ماشفتني من سنين ؟

قاطعتني عشان كلام الناس أو بسبب كلام الناس أو بسبب أرض ودنيا دنيئة
أو لأي سبب !!
ونسيت أيام طفولتنا مع بعض !
يوم كنت أنام في حضنك .. وتشوف سعادة دنياك في سعادتي
يوم كنت تقدمني في طلباتي على نفسك وعيالك .. وحتى زوجتك !
يوم كنا نتقاسم " حلاوة " أبوي اللي يجيبها لنا وهو جاي من الدوام !
نسيت يوم كنت تمرض واجلس جنبك افرك بيدي مدري وش اسوي عشانك ..
ويوم كنت أمرض وتسرع بي للمستشفى
تخاف علي من إحساسي بالألم ..
" واليوم أنت كل الألم "
...
آآآآآه يا " أخوي "
كيف قلبك وسع كل هالكون والناس اللي فيه من عدو وصديق
و" ضاق " على أختك وزوجها وعيالها !!
...
وش أقول لعيالي وهم يسألوني عنك !
أقول " خالكم " مايبيكم ولا يبي شوفكم !
كيف أقولها وانا حضنت عيالك في حجري وياكثر ما ناموا على يدي
واليوم " تطرد " عيالي من دنياك وهم يدورون عليك !
...
ياخوي
وش حال قلب أبوي وأمي وهم يشوفون تقاطعنا كذا !
وش حال قلبك لو شفت عيالك متقاطعين قدام عيونك
وأنت تضرب بيد على يد من قلة الحيلة وكلك أسف ..

هل نسيت أخي الحبيب حينما كنّا صغار !!

ولدنا من بطن واحدة !!

وتربينا في بيت واحد !!

هذه الصورة تم تصغيرها تلقائيا . إضغط على هذا الشريط هنا لعرض الصورة بكامل حجمها . أبعاد الصورة الأصلية 720x507 وحجمها 78 كيلو بايت .

جتني رسالة ( قصيدة لقصة حقيقية ) 0701290423191319srs_thumbna

...

وبعد كل هذه السنين تهجر وتقطع في أختك أو اخيك !!

جتني رسالة ( قصيدة لقصة حقيقية ) 235872_mouseover

ياخوي
عجز الكلام

حـبيت انقـل لـَكم هـذي القصـيده المعـبره ... عـن شـاب .. هجر اخـته 20 عام .. وارسـلت اليـه رسـالة .. فرد بهذه القصيـده الحـزينه والتي ألقاها وهو يبكي !!

جتني رسالة من صدى خافق الروح
وقريتهـا بإحسـاس قلبـي وروحــي
قريتهـا وانهـدّت قصـور وصــروح
وأنـا مــن أول عاليـاتـن صـروحـي
تشكي تقول القلب يا حموٍد مجـروح
مـا تـدري انـي غايراتـن جـروحـي
تهـلّ دمـع وترفـع الصـوت بالـنـوح
والـلـي فـقـد غـالـيـه لازم يـنـوحـي
مـا كلّمتنـي يمكـن الصـوت مبحـوح
من النوح وإلا ما استطاعت تبوحي
جتني رسالتها بهـا دمـوع وجـروح
وانهَـد باسبـاب الرسـالـة طمـوحـي
تقول ياخوٍي الزمن صـار مفضـوح
والشيـب فينـي لـو تشوفـه يلـوحـي
يا بوعلي مالـي بالأغـراب مصلـوح
مـادام قلـب الـلـي نحـبـه شحـوحـي
ودّي بشوفـك دام الأعمـار بفسـوح
قبـل الرحـم يـا خـوي مـنـا يـروحـي
زلّ الزمان اللـي بـه أفـراح ومـزوح
أنـخـاك تكـفـى لا تـظـنّـه مـزوحــي
وبعد الرسالـة صـار بالقلـب ذابـوح
طار المنـام وصـار فكـري يشوحـي
أختـي رسالتهـا لهـا القلـب مفـتـوح
كلّـي لهـا والقلـب ينـصـت ويـوحـي
أقولهـا ودمــوع عيـنـي لـهـا فــوح
وسط المحاجـر دمـع عينـي يفوحـي
أجـاوب الورقـا علـى عالـي الــدّوح
وأنوح من فرقـا الرفيـق السموحـي
والله لو إني وسـط الأطبـاق مذبـوح
لأظهر كما خطو الحصان الجموحـي
وأقول يا عين المها مـا بهـا شـروح
لـو تطلبيـن الـروح تـفـداك روحــي
الشاعر: حمود الشمري

من هنــــــــــــــــــا الرابط الصوتي

\ قال الرسول صلى الله عليه وسلم /

((لا يدخـــل الجنة قــاطع رحـــــم))

أهلكم أولى بوصلكم من غيرهم

//
\\

وفي نهاية المطاف أرجو مِن من قطع رحم له
أن يراجع حساباته قبل الفوات ..

//
\\
[/size]

شاكر لك ع القصيدة

لاهنت

شكرا

لاعدمانك

مشكوووووووووووووور على القصيد الجميل